in

මානසික බලයෙන් යකඩ හැඳි ගෑරුප්පු දෙකට නැමු යූරිගේ හාස්කම්

දෑසකට නොපෙනෙන දෙයක් මිනිස් සිතකට දැකිය හැකිද? සිතේ බලයෙන් ලෝහමය උපකරණ නැමිය හැකිද?
මෙබඳු අසමාන්‍ය අධි මානසික හැකියාවන් සහිත පුද්ගයින් ගැන දුර්ලබ ආරංචි කලින් කල ලොව පුරා පැතිර යයි. ඇතැම් විට නූතන භෞතික විද්‍යාවට ද අභියෝග කරමින් ලෝක වාසීන් විමතියේ ගිල්වන්නටද ඔවුහු සමත් වෙති.බ්‍රිතාන්‍ය ජාතික යූරි ගෙලර් පිළිබද සිද්ධිය මේ සම්බන්ධයෙන් සුවිශේෂ වූවකි.මෙය මුල්වරට එළි දුටුවේ 1973 නොවැම්බර් මස 23 වෙනි දින රාත්‍රියේ බ්‍රිතාන්‍ය නාලිකාවක සජීවී ලෙස විකාශනය වූ අපූරු වැඩ සටහනකිනි.
රෑපවාහීනි මැදිරියේ අසුනක තරැණ යූරි ගෙලර් හිදගෙන සිටියි. ඔහුට මීටර් දෙක තුනක් ඉදිරියේ හිස්ව තැබු මේසයකි. පසෙකින් ආචාර්ය මහාචාර්ය වරුන්ගෙන් සැදුම්ලත් විනිසුරු මඩුල්ලක් ද වෙති. වැඩසටහන මෙහෙයවන්නා අහඹු ලෙස සපයාගත් කිසියම් තුණ්ඩු කැබැල්ලක් ලියුම් කවරයක් තුළට රහසින් බහා එය මේසය මත තබයි.යූරි ගෙලර් තුණ්ඩුවේ සදහන් දේ මනසින් කියවයි.එය ඉංග්‍රීසි පද්‍ය ඛණ්ඩයකි. මෙහෙයවන්නා එය පරීක්ෂා කොට ඔහු කියවු වැකිය නිවැරදි බැව් සනාථ කරන්නේ නරඔන්නන් විස්මයට පත් කරමිනි.
දෙවනුව මේසය මත තබන්නේ හැදි ගෑරැප්පු කට්ටලයකි.ගෙලර් ඔහුගේ තියුණු නෙත් ඒ දෙසට යොමු කරයි. උණු වු ඉටි පිඩක් මෙන් ක්ෂණයකින් හැදි ගෑරැප්පු දියවී දෙකට නැමී යයි. සජීවි වැඩසටන අවසානයේ රෑපවාහිනි මැදිරියේ දුරකථනය හරහා නරඹන්නන් එල්ල කළ පැමිණිලි තවත් පුදුමයක් හෙළි කළේ ය.ඔවුන්ගේ නිවස් වල හැදි ගෑරැප්පු දියවී දෙකට නැමී යයි.


යූරි ගෙලර් විජ්ජා කාරයෙක් ද?ප්‍රෝඩා කාරයෙක් ද?නැතහොත් ඔහු සතුව පවතින්නේ අසාමාන්‍ය මානසික හැකියාවක් ද?එම රෑපවාහීනි වැඩසටහනේ විනිසුරු මඩුල්ලේ සිටි භෞතික විද්‍යා මහාචාර්ය ජොන් ටේලර් ඒ ගැන පවසා සිටියේ මේසේ ය. “මෙම පරීක්ෂණ වැඩසටහන පැවැත්වු ආකාරය ගැන කිසිදු සැකයක් මට නැහැ.මගේ පුදුමය මේ සිද්ධිය පිළිබඳවයි.බලය හා කර්යය පිළිබඳව නිව්ටන්ගේ සිද්ධාන්ත වලට මෙය පටහැනියි.මෙය විද්‍යාව තුළින් පහදා දිය හැක්කේ කෙසේද කියා මට සිතන්නට බැහැ.“මේ සිද්ධියත් සමගම ගෙලර් පිළිබඳ සොයා බලන්නට විවිධ මානසික පර්යේෂකයෝ ඉදිරිපත් වූහ.මනෝ වෛද්‍ය රොබට් කැන්ටර් පවසන පරිදි මෙම අධි මානසික සංවේදීතාවය සෑම පුද්ගලයකුගෙන් පුද්ගලයකුටම අඩු වැඩි වශයෙන් පවතින්නකි.ඉහළ සංඛ්‍යාත නළා හඬක් නිකුත් කරන කුඩා ආලෝක තිතක් තමා වටා ගමන් කරනවා වැනි හැඟීමක් මෙම විශේෂ සංවේදීතාවයේ උච්ච අවස්ථාවට එළඹෙන කිසිවකුට දැනෙයි.නැතහොත් තද හිසේ කැක්කුමක් හටගනී.මෙබඳු හැකියාවන් උරැම කරගත් කුඩා දරැවන් හමුවන බවද ඔහු පවසයි.ඇතැම් විට ඔවුන්ගේ අධි මානසික ශක්තිය කුඩා කාලයේදීම ඇතිවී නැතිවී යයි.
යූරි ගෙලර් ගේ අසමාන්‍ය හැකියාව නැරඹීම රෑපවාහීනි ප්‍රේක්ෂකයින්ට විමතිය දනවන කාරණාවක් වූ නිසාදෝ ඔහුට එවැනි තවත් වැඩසටහනක් ඉදිරිපත් කරන ලෙස විවිධ රටවලින් ඇරයුම් ලැබිණි.මේ නිසාම යුරෝපය පුරා ඔහු සංචාරය කළේය.ජපානය හා ඇමරිකාවට ද ගියේ ය. වරක් බ්‍රිතාන්‍යෙයේ “Sunday Times“පත්‍රයේ කතෘවරයා.යූරි ගෙලර් අමතා පුවත්පත් සකච්ඡාවකට වෙලාවක් ඉල්වීය.ඒ වන විට කාර්ය බහුල පුද්ගලකුව සිටි ගෙලර් ඔහුට දන්වා සිටියේ තමා ගුවන් තොටුපළට ගමන් කරන අතරතුර කුලී රථයේදී හමුවන ලෙසය.
ඒ අනුව කුළී රථය තුළ සාකච්ඡාව පවත්වමින් යන අතරතුර කතුවරයා මෙවැනි යෝජනාවක් කළේ ය. “ඔබට පුඵවනිද මේ අවස්ථාවේ ඔතන හිඳගෙනම වාහනයේ දොර යතුරට යමක් කරන්න? “හරි.මං කරන්නම්” ගෙලර් එකඟ වූයේ ය.තත්පර කිහිපයක් යන්නට පෙරාතුව දොර යතුර උණුවී දෙකට නැමිණි.කතුවරයා තුෂ්ණිම්භුත විය.
1983 ග්‍රීෂ්ම සෘතුවේ ඇමරිකානු “National Enquiry“ පුවත්පතේ මෙවැනි දැන්වීමක් පළවී තිබිණි. “ඔබේ ක්‍රියා විරහිත ගුවන් විදුලිය,රෑපවාහීනිය,හෝ ඔරලෝසුව නොමිලේ අලුත්වැඩියා කරගන්නට මෙන්න අවස්ථාවක්.යූරි ගෙලර්ගේ චිත්ත බලය ඔබට උපකාර කරයි.නියමිත දිනයේ නියමිත වේලාවට මේ සමග දැක්වෙන යූරි ගෙලර්ගේ ඡායාරෑප මත ඔබේ උපකරණය තබා එය අලුත්වැඩියා වේවා කියා සිතින් මතුරන්න.වර්ල්ඩ් ට්‍රේඩ් සෙන්ටර් ගොඩනැගිල්ලේ (ඇමරිකාවේ උසම) සිට යූරි ගෙලර් මානසික තරංග නිකුත් කරනු ඇත.
මෙම පිළියම අත්හදා බැලු බෝහෝ අය සාර්ථක ප්‍රතිඵල අත්කර ගත් අයුරු පසුව වාර්තා වී තිබිණි.කැලිපොනියාවේ මාග්‍රට් පොලී මහත්මීය පුවත් පතකට එවන ලද ප්‍රතිචාර ලිපියේ දැකවෙන්නේ වර්ෂ 19ක් පැරණි ඇගේ මර්සීඩීස් රථය මෙතෙක් කල් ක්ලච් එකේ දෝෂයක් නිසා ප්‍රයෝජනයට නොගෙන අහක දමා තිබු බවත්,ගෙලර්ට පින් සිදුවන්නට නියමිත මොහොතේ ඡායාරෑපය වාහනයේ ක්ලාච් එක මත පෑගූ කළ යළි යථා තත්වයට පැමිණි බවත්ය.ඉලිනොයිස්හි ස්කොන්හර් නමැති කාන්තාවකට අයත්ව තිබු පියානෝව මෙතෙක් කල් ගරාජ් කාමරයේ මළ බැඳී පැත්තක දමා තිබුණු නමුත් අදාළ දිනයේ සියලු නිවැසියන් විස්මයට පත් කරවමින් යළි පණ ගැන්විය හැකිවු බව ද ලියා එවා තිබිණි.


යූරි ගෙලර්ට මෙම ගුප්ත හැකියාව උපතින්ම උරැම වුවක් ද යන්න ගැටලු සහගතය.තමාට මෙය කළ හැකි වුයේ කෙසේද යන පැනයට කිසිවිටෙක ඔහුට පිළිතුරක් නැත.පළමුවරට මේ අසමාන්‍යතාව ගැන ඔහුට අවබෝධ වුයේ වයස අවුරැදු හයේ දී පමණය.ඔහුගේ මව ප්‍රිය සාදයකට ගොස් එන අතරමග වාහනයකදී කිසියම් මුදල් ප්‍රමාණයක් නැති කර ගත්තාය.මව නිවසට පැමිණ මේ ගැන සැළකර සිටි අවස්ථාවේ ගෙලර් විසින් නැතිවු මුදල් වටිනාකමත් ඒවා දැන් පිහිටා තිබෙන තැනත් දිවැසින් මෙන් කියවන්නට වූවේ ය.එම තොරතුරැ නිවැරදි බව පසුව අනාවරණය විය.
ගෙලර් පාසලේ විභාග වලට හිඳගත් විට ඔහුට හිඳගෙන සිටින දක්ෂ සිසුන්ගේ මනැස් කියන්නට පටන් ගනියි ඒ අනුව ඔහුට ඉතාම නිවැරදි පිළිතුරැ පත්‍රයක් ශාලාධිපති වෙත සැපයිය හැකි වේ.
ලෝහමය උපකරණ වලට බලපෑම් එල්ල කිරීමට ගෙලර් සතුව පවතින හැකියාව මුල්වරට හඳුනා ගැනුනේ ඔහුගේ ඔරලෝසුව තුළිනි.දිගින් දිගටම වැරදි වේලාව දක්වන ඔහුගේ ඔරලෝසු කටු දෙක දෙස දිනක් ගෙලර් සිය තියුණු ඇස් යොමු කළේය.පුදුමයකි,කටු දෙක වේගයෙන් දකුණු අතට භ්‍රමණය වන්නට විය.මෙය අදහාගත නොහැකි වූ ගෙලර්ගේ දෙමාවුපියෝ බියපත්ව ඔහුව මනෝ චිකිත්සයකු වෙත රෑගෙන ගියේ ය.විස්මයට පත් වෛද්‍ය අන්ද්‍රිජා පුහරිච් මොහු මේ සියවසේ අගනා සොයා ගැනීමක් කීවේය.
නිකලස් විලියම්,ජීරාඩ්,ඛෙලින්ඩා වැනි තවත් පුද්ගලයින් කිහිප දෙනෙකුම ගෙලර් දැක්වූ ආකාරයේ මානසික හැකියාවන් පෙන්නුම් කර ඇත්තන්ය.ඛෙලින්ඩා නමැති කාන්තාවගේ විශේෂත්වය වූයේ තමා ඉදිරිපිට සිටින්නාන්ගෙන් රෝග සුවකරදීමේ හැකියාවයි.දුරස්ථව හිදගෙන ප්‍රාර්ථනා ශක්තියෙන් හෝ ස්පර්ශ කිරීමේන් මේ ප්‍රතිකාර විදි ක්‍රියාත්මක කළ බැව් කියැවේ.පසුගිය කාලයේ ලංකාවේන් අසන්නට ලැබුණු චින්තා කරැණාරත්න මහත්මිය සතු වූ හැකියාව එවැන්නකි.
පෙර ජාතිවල පුරැදු පුහුණු කළ මානසික ශක්තීන්ගේ ස්වාභාවික මතුවීම් මේ මගින් පෙන්වන බව පුනර්භාවය ඔස්සේ කෙරෙන බෞද්ධ විග්‍රහයන්ගේන් පැහැදිලි කර දෙයි.මනස දියුණු කර ගැනීමේන් දිව්‍යඥාණය උදාකර ගත හැකි බවට පවතින ව්ශ්වාසයටද මෙම පිළිගැනීම අදාලය.ගමන් කරන්නා වූ ශක්ති විශේෂයක් ලෙස චිත්ත ශක්තියේ ක්‍රියාකාරීත්වය විමසා බැලෙන නූතන මනෝ විද්‍යා පර්යේෂණ තුළදීද මෙබදු හැකියාවන් අධ්‍යයන කොට තිබේ.පූර්ව විද්‍යාත්මක නිගමනයන්නට පහසුවේන් හසු නොවන නමුත් බෞද්ධ දර්ශනයට වඩාත් සමීප විෂය පථයක් මේ ඔස්සේ දැනටමත් නිර්මාණය වී තිබේ.

මේ ලිපිය බෙදාගන්න
Share on Facebook
Facebook
0Email this to someone
email
Print this page
Print

7 Comments

Leave a Reply
  1. I too possess a number of authenticated books on this subject of Metaphysics. Those interested may contact me on: 0778 520 543.

  2. I have checked your site and i’ve found some duplicate
    content, that’s why you don’t rank high in google’s search results, but there is a tool that can help you to create 100% unique articles,
    search for: SSundee advices unlimited content for your blog

Leave a Reply

Your email address will not be published. Required fields are marked *

ඔටෝ ගියර් වාහනයක් පදින්න කලින් මේ ටිකත් දැනගෙන යන්න

නිතර භාවිතා කරන සේවා වල අපි නොදන්නා පහසුකම්